Yuxarı

Bakıda jurnalistin yaşadığı mənzil qarət olunub

Faktla bağlı araşdırma aparılır

Bakı. 18 may. REPORT.AZ/ Jurnalist Mübariz Aslanovun yaşadığı mənzil qarət olunub.

Bu barədə “Report”a jurnalistin özü məlumat verib.

Onun sözlərinə görə, mayın 17-də kirayədə yaşadığı, Nəsimi rayonu Asif Məhərrəmov küçəsi ev 24, mənzil 11-ə açar seçmə yolu ilə daxil olan şəxs və ya şəxslər 540 manat nağd pul və təxminən 8 min manat dəyərində qızıl-zinət əşyaları oğurlayıblar.

Hadisə baş verən vaxt mənzildə heç kim olmayıb.

Hadisə barədə Daxili İşlər Nazirliyinin (DİN) “102” xidmətinə məlumat verilib. Daxil olan məlumat əsasında Nəsimi Rayon Polis İdarəsinin (RPİ) 19-cu Polis Bölməsinin (PB) əməkdaşları hadisə yerinə baxış keçirib, iş üçün əhəmiyyət kəsb edən məlumatlar toplayıblar.

Faktla bağlı 19-cu PB-nin əməkdaşları tərəfindən araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi