​Bakıda intihara cəhdin qarşısı alınıb

Bakı. 12 may. REPORT.AZ/ Gecə saatlarında Bakının Suraxanı rayonu ərazisində intihara cəhd hadisəsi olub.

"Report" Fövqəladə Hallar Nazirliyinə istinadən xəbər verir ki, qurumun “112” qaynar telefon xəttinə daxil olmuş məlumata əsasən, 1 nəfər intihar etmək niyyətini nümayiş etdirib.

Dərhal nazirliyin müvafiq xilasetmə qüvvələri hadisə yerinə cəlb olunub. Xilasedicilər tərəfindən aparılmış psixoloji söhbət nəticəsində vətəndaş fikrindən daşındırılaraq intihara cəhdin qarşısı alınıb və təhlükəsiz əraziyə endirilib.