Bakıda inşa edilən inzibati binadan 26 min manatlıq oğurluq edildi

Bakıda inşa edilən inzibati binada oğurluq hadisəsi baş verib.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, Xətai Rayon Polis İdarəsi 35-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində dekabrın 17-də rayon ərazisində inşa edilən inzibati binaların birindən 26 248 manat dəyərində elektrik naqili oğurlamaqda şübhəli bilinən Ağdam rayon sakinləri İ.Kamalzadə və F.Quliyev saxlanılıblar.