Yuxarı

Bakıda iki nəfərin yaralanmasına səbəb olan sürücü ərazidən qaçıb - FOTO

Onun axtarışına başlanılıb

Bakı. 5 oktyabr. REPORT.AZ/ Bakı şəhəri, Sabunçu rayonunda yol-nəqliyyat hadisəsi baş verib.

“Report”un məlumatına görə, hadisə Aeroport yolunda, yolun Mərdəkan qəsəbəsi istiqamətində olan hissəsində qeydə alınıb.

Belə ki, “Mercedes” markalı avtomobil yüksək sürətlə hərəkət edib. Bu zaman “Mercedes”in sürücüsü idarəetməni itirərək qarşısında onunla eyni istiqamətə doğru hərəkət edən “VAZ 21015” markalı avtomobilə çırpılıb. Nəticədə “VAZ” markalı avtomobildə olan 70 yaşlı Gilas Əliyeva və 50 yaşlı Rübabə Orucova xəsarət alıb.

Yaralılar hadisə şahidlərinin köməkliyi ilə xəstəxanaya çatdırılıb.

Məlumata görə, “Mercedes”in sürücüsü ərazidən qaçıb. Buna baxmayaraq, Yol Patrul Xidmətinin (YPX) əməkdaşları sürücünün kimliyini müəyyənləşdirib. Onun axtarışına başlanılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi