Bakı. 19 dekabr. REPORT.AZ/ Bakıda içki məclisi zamanı orta yaşlı kişi bıçaqlanıb.
"Report" xəbər verir ki, hadisə Binəqədi rayonunda baş verib.
Biləcəri qəsəbəsində kafedə içki məclisi zamanı 1970-ci il təvəllüdlü Əliyev İslam Allahverdi oğlu sərxoş vəziyyətində olan tanışı ilə mübahisə edib. Mübahisə zamanı o, bıçaqlanıb.
Yaralı xəstəxanaya yerləşdirilib.
Faktla bağlı Binəqədi Rayon Polis İdarəsinin 4-cü Polis Bölməsi tərəfindən araşdırma aparılır.