Yuxarı
    Bağlamaq

    Bakıda "Honda" ilə "Mercedes" toqquşub

    Qəza nəticəsində avtomobillər yararsız vəziyyətə düşüb

    Bakı. 22 yanvar. REPORT.AZ/ Ötən gecə Bakının Xətai rayonu ərazisində, Babək prospektində yol-nəqliyyat hadisəsi baş verib.

    “Report”un məlumatına görə, qəza Murad Məmmədovun idarə etdiyi "Honda" ilə Afiq Rüstəmov sükanı arxasında olduğu "Mercedes"in toqquşması nəticəsində olub.

    Qəzada xəsarət alan olmasa da, avtomobillər yararsız vəziyyətə düşüb. Hadisə yerinə polislər əməkdaşları gəliblər. Aparılan ilkin araşdırma nəticəsində məlum olub ki, qəzaya "Mercedes"in sürücüsü Afiq Rüstəmovun dönmə əməliyyatını düzgün yetirməməsi səbəb olub.

    Qeyd edək ki, qəza zamanı "Honda" yanmaq təhlükəsi ilə üzləşib. Dərhal yanğına qarşı tədbir görülüb. Daha sonra avtomobillər evakuatorlar vasitəsi ilə ərazidən uzaqlaşdırılıb.

    Faktla bağlı Xətai Rayon Dövlət Yol Polis Şöbəsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi