Bakı. 14 sentyabr. REPORT.AZ/ Bu gün Bakı Ağır Cinayətlər Məhkəməsində mənzillərdən oğurluq etməkdə təqsirləndirilən Əli Novruzovun cinayət işi üzrə məhkəmə prosesi başa çatıb. "Report"un məlumatına görə, hakim Səbuhi Hüseynovun sədrliyi ilə keçirilən prosesdə hökm oxunub.
Məhkəmənin hökmü ilə Ə.Novruzov 10 il müddətinə azadlıqdan məhrum edilib. Qeyd edək ki, Ə.Novruzov Bakıda yerləşən mənzillərə girərək oğurluq edib. O, zərərçəkmiş şəxslərə ümumilikdə 100 min manatdan çox ziyan vurub.