Bakıda evdən pul və xəz dəri oğurlanıb

Bakıda evdən pul və xəz dəri oğurlanıb.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, Səbail Rayon Polis İdarəsinin 8-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində dekabrın 17-də rayon ərazisindəki evlərin birindən 1000 ABŞ dolları, 1200 manat dəyərində xəz dəri, su aparatı və televizor oğurlamaqda şübhəli bilinən Zaqatala rayon sakini, əvvəllər məhkum olunmuş C.Kıpçatov saxlanılıb.