Bakıda evdən 10 000 manatlıq qızıl-zinət əşyaları oğurlanıb

Bakı. 14 noyabr. REPORT.AZ/ Bakıda evdən 10 min manatlıq qızıl-zinət əşyaları oğurlanıb. 

"Report" xəbər verir ki, bu barədə Daxili İşlər Nazirliyi məlumat yayıb.

Belə ki, Səbail rayon Polis İdarəsinin 39-cu polis bölməsinin əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mənzillərin birindən 10 000 manat dəyərində qızıl-zinət əşyaları oğurlamaqda şübhəli bilinən Bakı şəhər sakini Elməddin Məmmədli saxlanılıb.