Bakıda evdən 1 500 manatlıq oğurluq edildi

Bakıda evdə oğurluq hadisəsi baş verib.

“Report”un xəbərinə görə, hadisə iyunun 26-dan 27-nə keçən gecə paytaxtın Biləcəri qəsəbəsində qeydə alınıb.

Belə ki, naməlum şəxs A.Qafarovun evindən pəncərədən daxil olmaqla 1 500 manat dəyərində 2 ədəd xalça oğurlayıb.

Binəqədi Rayon Polis İdarəsinin 6-cı Polis Bölməsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakini, 1996-cı il təvəllüdlü Mətin Təhməzov müəyyən olunaraq tutulub.

Faktla bağlı araşdırmalar aparılır.