Bakıda evdə yanğın olub, bir nəfər tüstüdən zəhərlənərək ölüb

Bakı. 7 iyul. REPORT.AZ/ Bakı sakini evində baş verən yanğın zamanı tütüdən zəhərlənərək ölüb.

"Report" Daxili İşlər Nazirliyinin saytına istinadən xəbər verir ki, hadisə Xəzər rayonunun Türkan qəsəbəsində baş verib.

Bildirilib ki, iyulun 6-da saat 11 radələrində Xəzər rayonunun Türkan qəsəbəsində yaşayan Süleyman Abbasquliyevin evində yanğın baş verib. Nəticədə 12 kvm. sahədə konstruksiyalar və oradakı əşyalar yanıb. S.Abbasquliyev tüstüdən zəhərlənərək ölüb.