Bakıda ev sahibi mənzilində kirayə qalan əcnəbi vətəndaşın pulunu oğurlayıb

Bakı. 17 avqust. REPORT.AZ/ Bakıda ev sahibi mənzilində kirayə qalan əcnəbi vətəndaşın pulunu oğurlayıb. 

"Report" xəbər verir ki, məlumatı Daxili İşlər Nazirliyinin saytı yayıb. 

Belə ki, avqustun 15-də Yasamal rayonu ərazisində əcnəbi vətəndaş Qulamrza Mohammədli Təhmayibinin kirayədə yaşadığı evdə 2500 manat pulu oğurlanıb.

Yasamal Rayon Polis İdarəsinin 27-ci Polis Bölməsinin əməkdaşlarının keçirdikləri əməliyyat tədbirləri nəticəsində hadisəni törətməkdə şübhəli bilinən evin sahibi, Bakı şəhər sakini Rəşad Cəfərov saxlanılıb.