Bakı. 15 fevral. REPORT.AZ/ Bu gün Bakı Ağır Cinayətlər Məhkəməsində dələduzluqda təqsirləndirilən Cəmşid Əliyev və Əmrah Əbidovun cinayət işi üzrə məhkəmə başa çatıb.
"Report"un məlumatına görə, hakim Rauf Əliyevin sədrliyi ilə keçirilən prosesdə hökm oxunub.
Məhkəmənin hökmü ilə Ə.Əbidov 8 il 6 ay və C.Əliyev isə 9 il müddətinə azadlıqdan məhrum edilib.
Qeyd edək ki, 2015-ci ildə Xəzər Rayon Polis İdarəsinin (RPİ) 2-ci Polis Bölməsinin (PB) əməkdaşlarının keçirdiyi əməliyyat-axtarış tədbirləri nəticəsində Cəmşid Əliyev və Əmrah Əbidov tutulub. Hər iki şəxs Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham olunub.