Bakıda cibgirliklə məşğul olan şəxs tutulub

Bakı. 21 iyun. REPORT.AZ/ Bakıda cibgirliklə məşğul olan şəxs tutulub. 

"Report" Daxili İşlər Nazirliyinin rəsmi saytına istinadən xəbər verir ki, iyunun 19-da Səbail rayonu ərazisində Bakı şəhər sakini Vüsal Atayevin cibindən içərisində 1300 manat, 20 ABŞ dolları və sənəd olan pul kisəsi oğurlanıb. 

Səbail Rayon Polis İdarəsinin 9-cu Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş paytaxt sakini Nadir Quliyev tutulub.