Yuxarı
    Bağlamaq

    Bakıda çalışdığı evdən 70 min manatlıq qızıl oğurlayan usta tutulub

    Faktla bağlı araşdırmalar davam etdirilir

    Bakı. 18 noyabr. REPORT.AZ/ Bakıda çalışdığı evdən 70 min manatlıq qızıl oğurlayan usta tutulub.

    “Report”un xəbərinə görə, bu barədə Daxili İşlər Nazirliyi məlumat yayıb.

    Məlumata görə, noyabrın 15-də Səbail rayonu ərazisində yaşayan Gülşən Rəfiyeva 9-cu Polis Bölməsinə müraciət edərək sentyabrın 12-də evində usta işləyən Kürdəmir rayon sakini Rəşad Ömərov tərəfindən 70.000 manat dəyərində qızıl əşyalarının oğurlanmasını bildirib.

    Səbail Rayon Polis İdarəsinin 9-cu Polis Bölməsinin əməkdaşları tərəfindən aparılan araşdırmalarla fakt təsdiqini tapıb və həyata keçirilən tədbirlərlə hadisəni törətməkdə şübhəli bilinən R.Ömərov tutulub.

    Faktla bağlı araşdırmalar davam etdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi