Bakıda boya sexi yanır

Bakı. 13 iyun. REPORT.AZ/ Bakı şəhərində boya sexində yanğın başlayıb. 

Fövqəladə Hallar Nazirliyinin Mətbuat xidmətindən "Report"a verilən məlumata görə, Bakı şəhəri, Binəqədi rayonu ərazisində boya sexində yanğın baş verib. 

Hazırda FHN-nin Dövlət Yanğından Mühafizə Xidmətinin yanğın bölmələri və Xüsusi Riskli Xilasetmə Xidmətinin müvafiq xilasetmə qüvvələri hadisə yerindədir. 

Yanğın məhdudlaşdırılıb. Nazirlikdən bildirilib ki, ətraf ərazilərə təhlükə yoxdur.

Əlavə məlumat veriləcək.