Yuxarı
    Bağlamaq

    Bakıda qadın keçmiş ərindən 10 bıçaq zərbəsi alıb

    Qaradağ rayon sakini Sadıqova Günay Ələt qəsəbəsində bıçaqlanıb

    Bakı. 2 aprel. REPORT.AZ/ Bakıda bıçaqlanma hadisəsi baş verib.

    “Report”un məlumatına görə, hadisə zamanı Qaradağ rayon sakini 34 yaşlı Sadıqova Günay Saday qızı Ələt qəsəbəsində yaşadığı evdə bıçaqlanıb.

    G.Sadıqova xəstəxanaya çatdırılıb. Müayinə zamanı yaralıda 10 bıçaq xəsarətinin olması müəyyən edilib. G.Sadıqovanın vəziyyətinin ağır olduğu bildirilir.

    Araşdırmalar zamanı məlum olub ki, qadın keçmiş həyat yoldaşı tərəfindən bıçaqlanıb.

    Hadisədən bir gün əvvəl Qaradağ Rayon Məhkəməsinin qərarı ilə 3 uşaq anası olan G.Sadıqova həyat yoldaşından boşanıb. Bundan sonra keçmiş əri G.Sadıqova yaşadığı mənzilə gələrək, orada onu bıçaqlayıb.

    Faktla bağlı Qaradağ Rayon Polis İdarəsində cinayət işi başlanılıb. Cinayəti törədən şəxsin axtarışları davam etdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi