Yuxarı
    Bağlamaq

    Bakıda bibisi oğlunu qətlə yetirən şəxs apellyasiya şikayəti verib

    İşə hakim Rizvan Səfərovun sədrliyi ilə baxılacaq

    Bakı. 6 iyun. REPORT.AZ/ Bakıda bibisi oğlunu qətlə yetirməkdə təqsirləndirilən Cavidan Seyfullayev barəsində olan hökmdən apellyasiya şikayəti verib.

    “Report”un xəbərinə görə, Bakı Apellyasiya Məhkəməsində keçiriləcək iclas iyunun 7-nə təyin edilib.

    İşə hakim Rizvan Səfərovun sədrliyi ilə baxılacaq.

    Qeyd edək ki, cinayət hadisəsi ötən ilin may ayının 8-də Xətai rayonunda baş verib. Rayonun M.Hadi küçəsində naməlum şəxs Masallı rayon sakini Musa Nurullayevi bıçaqla qətlə yetirib. Polis və prokurorluq orqanları əməkdaşlarının həyata keçirdikləri əməliyyat-axtarış və istintaq tədbirləri nəticəsində qətli törətmiş Masallı rayon sakini, əvvəllər məhkum olunmuş C.Seyfullayev tutulub.

    Bakı Ağır Cinayətlər Məhkəməsinin hökmü ilə C.Seyfullayev 18 il müddətinə azadlıqdan məhrum edilib.

    Xatırladaq ki, qətlə yetirilmiş M.Nurullayev C.Seyfullayevin bibisi oğludur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi