Bakıda bərbər müştərisi tərəfindən döyülüb

Bakı. 28 iyul. REPORT.AZ/ Bakıda bərbər müştərisi tərəfindən döyülüb.

"Report"un xəbərinə görə, hadisə Suraxanı rayonunda qeydə alınıb.

Hövsan qəsəbəsində bərbər kimi fəaliyyət göstərən 1989-cu il təvəllüdlü Vəliyev Vüsal Asif oğlu müştərisi ilə mübahisə edib. Mübahisə əlbəyaxa dava ilə yekunlaşıb. Nəticədə V.Vəliyev döyülərək müxtəlif bədən xəsarətləri alıb. O, 3 saylı Şəhər Kliniki Tibbi Mərkəzə yerləşdirilib.

Faktla bağlı Suraxanı Rayon Polis İdarəsi tərəfindən araşdırma aparılır.