Bakıda banket təşkil edən sahibkar 2 min manat cərimələndi

Bakıda restoranda xüsusi karantin qaydaları pozulub.

"Report"un xəbərinə görə, hadisə mayın 20-si gecə saatlarında Binəqədi rayonu, M.Ə.Rəsulzadə qəsəbəsi, M.Davudoğlu küçəsi 11/7-ünvanında yerləşən "Gümüş" restoranında qeydə alınıb.

Belə ki, restoranda banket təşkil edilib.

Binəqədi Rayon Polis İdarəsi əməkdaşları tərəfindən keçirilən müvafiq tədbirlər nəticəsində restoranda banketdə iştirak edən 30 nəfər inzibati məsuliyyətə cəlb olunub. Həmin şəxslər 100 manat, obyektin icarədarı isə 2 000 mata məbləğində cərimə edilib.