Ötən il Bakı şəhəri ərazisində 165 bağlı qalmış cinayət açılıb.
“Report”un əldə etdiyi məlumata görə, 2020-ci ildə daxili işlər orqanlarının prokurorluq orqanları ilə birgə davam etdirilən istintaq-əməliyyat tədbirləri nəticəsində keçmiş illərdən bağlı qalmış 165, o cümlədən 33 ağır və xüsusilə ağır cinayət açılıb.
Dövlətin iqtisadiyyatına təhlükə yaradan xüsusilə aktual olan cinayətlərə qarşı aparılan əməliyyat tədbirləri ilə 16 saxta pul hazırlama və satma cinayət faktları aşkarlanıb.
Ağır və xüsusilə ağır cinayət törətdiyinə görə 254 təqsirləndirilən şəxs tutulub.