Bakıda avtoxuliqanlıq edən 5 sürücü məsuliyyətə cəlb olunub

Bakı. 23 iyun. REPORT.AZ/ Mayın 29-dan iyunun 23-dək Bakı şəhəri ərazisində Dövlət Yol Polisi (DYP) əməkdaşlarının "Saxla!" əmrinə tabe olmayaraq avtoxuliqanlıq edən 5 sürücü inzibati qaydada məsuliyyətə cəlb olunub.

Bu barədə "Report"a Bakı Şəhər Baş Polis İdarəsinin Dövlət Yol Polisi İdarəsinin şöbə rəisi, polis polkovniki Vaqif Əsədov məlumat verib.

Qeyd olunan müddətdə avtomobili sərxoş halda idarə edən 4 sürücü müəyyən edilərək inzibati qaydada cəzalandırılıb.