Bakıda avtomobillərdən oğurluq edən gənc saxlanılıb.
“Report”un xəbərinə görə, hadisə dekabrın 19-da paytaxtın Sabunçu rayonu ərazisində baş verib.
Belə ki, F.Nəfərli və N.Əliyevin avtomobillərindən oğurluq edilib.
Daha sonra hər iki şəxs hüquq-mühafizə orqanları əməkdaşlarına müraciət ediblər.
Sabunçu Rayon Polis İdarəsinin 12-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini, 1998-ci il təvəllüdlü A.Əhmədov şübhəli şəxs qismində tutulub.
Hər iki faktla bağlı araşdırma aparılır.