Bakıda avtomobil üç piyadanı vurub, onlardan biri ölüb, ikisi yaralanıb

Bakı. 29 noyabr. REPORT.AZ/ Bakının Səbail rayonunda yol-nəqliyyat hadisəsi baş verib. 

"Report" xəbər verir ki, bu barədə Daxili İşlər Nazirliyi məlumat yayıb.  

Belə ki, noyabrın 28-də saat 6 radələrində Səbail rayonunun Neftçilər prospektində Bakı şəhər sakini Natiq Abdullayev idarə etdiyi “Hyundai” markalı avtomobillə yolu keçən Qəbələ rayon sakini Tərxan Bayramlını, paytaxt sakinləri Nahid Bəndəliyevi və Nicat Rəsulovu vurub. Nəticədə N.Bəndəliyev hadisə yerində ölüb, xəsarət almış digər iki piyada xəstəxanaya yerləşdirilib.

Səbail rayon Polis idarəsi tərəfindən araşdırma aparılır.