Bakıda avtomobil qaçıran şəxs saxlanılıb.
“Report”un xəbərinə görə, hadisə fevralın 20-də, saat 10:30 radələrində paytaxtın Xətai rayon ərazisində qeydə alınıb.
Belə ki, naməlum şəxs 1975-ci il təvəllüdlü Ramiz Məmmədova məxsus “KİA Cerato” markalı avtomobili qaçırıb.
Daha sonra R.Məmmədov hüquq-mühafizə orqanları əməkdaşlarına müraciət edib.
Xətai Rayon Polis İdarəsinin 35-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən 1987-ci il təvəllüdlü Anar Abbasov Xətai rayon, Naximov küçəsi, 12 saylı ünvanın qarşısında həmin avtomobildə olarkən saxlanılıb.
Onun üzərinə baxış keçirilən zaman heroin aşkar olunaraq götürülüb.
Faktla bağlı araşdırma aparılır.