Bakı. 10 avqust. REPORT.AZ/ Bakıda 1 nəfərin ağır xəsarət alması ilə nəticələnən yol-nəqliyyat hadisəsi baş verib.
"Report" xəbər verir ki, hadisə Binəqədi rayonu, Rəsulzadə qəsəbəsi, Azadlıq prospektində baş verib.
Belə ki, Novruzov Şükür Məhərrəm oğlu idarə etdiyi "VAZ-2106" markalı, "90-OC-916" dövlət seriya nişanlı avtomobillə hərəkətdə olarkən şəxsiyyəti hələlik müəyyənləşdirilməmiş 28-30 yaşlı piyadanı vurub. Nəticədə piyada ağır xəsarət alıb.
Yaralı xəstəxanaya yerləşdirilib. Faktla bağlı araşdırma aparılır.