Bakıda avtomobil piyadanı vuraraq öldürüb

Bakı. 17 sentyabr. REPORT.AZ/ Bakıda avtomobil piyadanı vuraraq öldürüb. 

"Report" Daxili İşlər Nazirliyinə istinadən xəbər verir ki, hadisə sentyabrın 15-də saat 22 radələrində paytaxtın Nizami rayonunun H.Əliyev prospektində qeydə alınıb.

Belə ki, Bakı şəhər sakini Orxan Kəlbiyev idarə etdiyi “Kia” markalı avtomobillə Babək rayon sakini Əbülfəz Rzayevi vurub və nəticədə piyada hadisə yerində ölüb.

Nizami rayon Polis idarəsi tərəfindən araşdırma aparılır.