Bakıda avtomobil iki nəfəri vurub

Bakı. 25 oktyabr. REPORT.AZ/ Bakıda avtomobil iki nəfəri vurub.

“Report” xəbər verir ki, hadisə paytaxtın Xətai rayonu, Nobel prospektində qeydə alınıb.

Qəza nəticəsində 21 yaşlı Vüqar Mahmudov və 20 yaşlı Dəniz Qasımov müxtəlif dərəcəli bədən xəsarətləri alıb.

Səhiyyə Nazirliyinin mətbuat katibi Pərviz Abubəkirov “Report”a bildirib ki, hadisə yerinə 2 təcili tibbi yardım briqadası göndərilib: “Yaralılar 1 saylı Kliniki Tibbi Mərkəzə aparılıb. Vəziyyətləri orta ağırdır və həyati təhlükə yoxdur”.