Paytaxtın Nizami rayonunda avtomobil 40 yaşlı piyadanı vurub

Bakıda piyadanın xəsarət alması ilə nəticələnən yol-nəqliyyat hadisəsi baş verib.

"Report"un məlumatına görə, hadisə paytaxtın Nizami rayonunda qeydə alınıb.

Babək prospektində 1980-ci il təvəllüdlü Mirzəyev Alim Adil oğlu yolu keçmək istəyərkən avtomobil onu vurub.

Yaralı təcili tibbi yardım briqadasının köməkliyi ilə xəstəxanaya çatdırılıb. Ona çanağın əziyi, sağ döş qəfəsinin travması diaqnozları qoyulub.