Bakıda arvadını 5-ci mərtəbədən ataraq öldürən şəxs barəsində həbs qətimkan tədbiri seçilib

Bakıda arvadını 5-ci mərtəbədən ataraq öldürən şəxs barəsində həbs qətimkan tədbiri seçilib Ona qarşı iki maddə ilə ittiham irəli sürülüb
Hadisə
225
12 Dekabr , 2018 12:24
Bakıda arvadını 5-ci mərtəbədən ataraq öldürən şəxs barəsində həbs qətimkan tədbiri seçilib

Bakı. 12 dekabr. REPORT.AZ/ Bakıda həyat yoldaşını yaşadığı binanın 5-ci mərtəbəsindən ataraq öldürən Ramiz Taxveli barəsində həbs qətimkan tədbiri seçilib.

“Report”un məlumatına görə, Nəsimi Rayon Məhkəməsinin hakimi Şəlalə Həsənova onun barəsində 3 ay müddətinə həbs qətimkan tədbiri seçilməsi barədə qərar çıxarıb.

İstintaq orqanı tərəfindən R.Taxveliyə qarşı Cinayət Məcəlləsinin 120.1-ci (qəsdən adam öldürmə) və 234.1-ci (satış məqsədi olmadan qanunsuz olaraq narkotik vasitələr əldə etmə, saxlama, hazırlama, emal etmə, daşıma) ittihamı irəli sürülüb.

Qeyd edək ki, hadisə paytaxtın Nəsimi rayonu, 381-ci məhəllə, R.Behbudov küçəsi ev 65, mənzil 51-də baş verib. Həmin ünvanda yaşayan Taxveli Ramiz Pərviz oğlu həyat yoldaşı, 1988-ci il təvəllüdlü Taxveli Adelya Azər qızını yaşadığı binanın 5-ci mərtəbəsindən atıb. Nəticədə qadın aldığı xəsarətdən hadisə yerində keçinib.

Həyata keçirilən əməliyyat tədbirləri nəticəsində hadisəni törədən R.Taxveli saxlanılıb. Məlum olub ki, R.Taxvelidə narkotik qəbulu nəticəsində psixi pozğunluq yaranıb.

Son xəbərlər

Orphus sistemi