Yuxarı
    Bağlamaq

    Bakıda anasını döyərək öldürən şəxs 18 il müddətinə azadlıqdan məhrum edilib

    İqor Avşarovun cinayət işi üzrə məhkəmə başa çatıb

    Bakı. 22 avqust. REPORT.AZ/ Bu gün Bakı Ağır Cinayətlər Məhkəməsində 86 yaşlı anasını döyərək öldürməkdə təqsirləndirilən İqor Avşarovun cinayət işi üzrə məhkəmə başa çatıb.

    "Report"un məlumatına görə, hakim Azad Məcidovun sədrliyi ilə keçirilən prosesdə təqsirləndirilən şəxsə hökm oxunub.

    Məhkəmənin hökmü ilə İ.Avşarov 18 il müddətinə azadlıqdan məhrum edilib.

    Qeyd edək ki, bu il aprelin 25-də Suraxanı rayonunun Hövsan qəsəbəsində yaşayan 86 yaşlı Lidiya Avşarovnanın üzərində döyülmə üçün xarakterik olan meyiti mənzilində tapılıb. Suraxanı Rayon Polis İdarəsinin (RPİ) 30-cu Polis Bölməsinin (PB) əməkdaşlarının həyata keçirdikləri əməliyyat-axtarış tədbirləri nəticəsində hadisəni münaqişə zəminində törətmiş 56 yaşlı oğlu İqor Avşarov tutulub.

    Müəyyən edilib ki, xeyli vaxtdır, yataq xəstəsi olan L.Avşarov oğlunu tez-tez çağırıb saatı soruşub, yemək-su istəyirmiş. Bundan bezən 56 yaşlı İ.Avşarov aprelin 25-də evdə sərxoş vəziyyətdə yatarkən növbəti dəfə anası onu çağırıb. İ.Avşarov əsəbi halda anasına tərəf şığıyıb və təpiklə qadının başına zərbələr endirib. Ağır xəsarətlər alan qadın hadisə yerindəcə keçinib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi