Bakıda 8 gün əvvəl qəzada yaralanan piyada xəstəxanada ölüb

Bakı. 28 iyun. REPORT.AZ/ Bakıda 8 gün əvvəl yol-nəqliyyat hadisəsi zamanı xəsarət almış piyada dünyasını dəyişib.

DİN-dən "Report"a verilən məlumata görə, iyunun 23-də Nərimanov rayonu Z.Bünyadov prospektində Bakı şəhər sakini Kamal Əliyev idarə etdiyi "KİA" markalı avtomobillə yolu keçən paytaxt sakini Hacımurad Əliyarovu vurub.

Xəstəxanaya yerləşdirilən piyada iyunun 27-də orada ölüb.

Faktla bağlı Nərimanov Rayon Polis İdarəsi (RPİ) tərəfindən araşdırma aparılır.