Yuxarı
    Bağlamaq

    Bakıda 6 ay əvvəl vurulan 17 yaşlı piyada dünyasını dəyişib - FOTOLAR

    Piyadanı vuran sürücünün şəxsiyyətini müəyyən etmək mümkün olmayıb

    Bakı. 22 dekabr. REPORT.AZ/ Bakıda 6 ay əvvəl vurulan piyada dünyasını dəyişib. "Report"un məlumatına görə, 17 yaşlı Bərdə rayon sakini Rəşad Yusifov Suraxanı rayonu Atamoğlan Rzayev küçəsində ev 529-da kirayədə yaşadığı mənzildə ölüb. 

    Qeyd edək ki, qəza zamanı R.Yusifov kirayə yaşadığı küçədə naməlum avtomaşın tərəfindən vurulub. Hadisədən sonra sürücü piyadaya heç bir yardım göstərmədən oradan uzaqlaşıb. Qəza nəticəsində isə iflic olan R.Yusifov həmin gündən bəri yataq xəstəsi olub. Qəza ilə bağlı Suraxanı Rayon Polis İdarəsinin müstəntiqi  Səxavət Süleymanov tərəfindən araşdırma başlanılsa da, piyadanı vuran sürücünün şəxsiyyətini və avtomobilin markasını müəyyən etmək hələ də mümkün olmayıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi