Bakıda 44 yaşlı piyadanı avtomobil vurdu

Bakıda piyadanın vurulması ilə nəticələnən yol-nəqliyyat hadisəsi baş verib.

"Report" xəbər verir ki, hadisə Sabunçu rayonu, Kürdəxanı qəsəbəsində qeydə alınıb.

Belə ki, 1976-cı il təvəllüdlü Əzimov İlham Şahgül oğlu yolu keçmək istəyərkən avtomobil onu vurub. 

Yaralı təcili tibbi yardım briqadasının köməkliyi ilə xəstəxanaya çatdırılıb. 

Ona qapalı kəllə-beyin travması və kürək sümüyünün sınığı diaqnozu qoyulub.