Bakı. 13 noyabr.
"Report"un xəbərinə görə, hakim Rasim Sadıqovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Daha sonra məhkəmə B.Babayevin barəsində seçilmiş polis nəzarəti qətimkan tədbirini dəyişib. O, məhkəmə zalında həbs olunub.
Qeyd edək ki, ittiham aktına əsasən, B.Babayev Valeh Əliyev, Natiq Yusubov və Rabil Nağıyevin etibarından sui-istifadə edərək onların ümumilikdə 400 min manat pulunu dələduzluq yolu ilə ələ keçirib. O, həmin şəxslərə iş qurmaq adı ilə vədlər verib. Lakin sonda B.Babayev vədinə əməl etməyib.
İstintaq dövründə onun barəsində polis nəzarəti qətimkan tədbiri seçilib.