Bakıda 32 yaşlı kişi bıçaqlanıb

Bakı. 1 may. REPORT.AZ/ Bakıda 32 yaşlı kişi bıçaqlanıb.

"Report"un xəbərinə görə, hadisə Nəsimi rayonunda qeydə alınıb.

Belə ki, "Beşmərtəbə dairəsi" kimi tanınan ərazidə 1985-ci il təvəllüdlü Rufullayev Hacıağa Hidayət oğlu tanışı tərəfindən bıçaqlanıb. O, xəsarət alaraq xəstəxanaya yerləşdirilib.

Faktla bağlı Nəsimi Rayon Polis İdarəsi tərəfindən araşdırma aparılır.