Yuxarı

Bakıda üç nəfərdən külli miqdarda narkotik vasitə götürülüb

​Bakıda 3 nəfərdən külli miqdarda narkotik vasitə götürülüb

Daxili işlər orqanlarının əməkdaşları narkotik vasitələrin qanunsuz dövriyyəsi ilə məşğul olan şəxslərin məsuliyyətə cəlb olunmaları istiqamətində növbəti əməliyyat tədbirləri keçiriblər.

“Report”un xəbərinə görə, əməliyyat tədbirləri nəticəsində paytaxt ərazisində üç nəfər saxlanılıb.

Belə ki, Xəzər Rayon Polis İdarəsinin (RPİ) 2-ci polis şöbəsinin (PŞ) əməkdaşları tərəfindən 1976-cı il təvəllüdlü A.Aydınovdan 437 qram heroin, Nərimanov RPİ-nin 18-ci PŞ-nin əməkdaşları tərəfindən 1986-cı il təvəllüdlü E.Əhmədovun idarə etdiyi “Volkswagen” markalı avtomobilindən 2 kq 193 qram metamfetamin aşkar edilərək götürülüb.

Bundan başqa, Nəsimi RPİ-nin 20-ci polis bölməsinin əməkdaşlarının əməliyyat-axtarış tədbirləri nəticəsində 1986-ci il təvəllüdlü C.Cəfərov saxlanılıb. Onun üzərinə baxış keçirilən zaman 1,5 kq heroin aşkar edilərək götürülüb.

Hər üç faktla bağlı araşdırmalar aparılır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi