Bakıda 2 yaşlı uşaq eyvandan yıxılıb

Bakı. 17 oktyabr. REPORT.AZ/ Bakıda 2 yaşlı Rzaəli Məhərrəmov ehtiyatsızlıqdan yaşadığı evin ikinci mərtəbəsinin eyvanından yerə yıxılıb.

"Report"un xəbərinə görə, hadisə dünən axşam saatlarında Hövsan qəsəbəsi, Bağça küçəsi ev 16 ünvanında qeydə alınıb.

Kəllə-beyin travması alan R.Məhərrəmov 1 saylı Şəhər Kliniki Xəstəxanasına yerləşdirilib.

Faktla bağlı araşdırma aparılır.