Bakıda 2 qardaş qohumları tərəfindən döyülüb

Bakı. 21 iyul. REPORT.AZ/ Bakının Binəqədi rayonunda kütləvi dava zamanı 2 qardaş ağır xəsarət alıb.

"Report" xəbər verir ki, Sulutəpə qəsəbəsində yerləşən Ruslan Allahverdiyev küçəsində 1991-ci il təvəllüdlü Sərxanov Elvin Nazim oğlu və 1985-ci il təvəllüdlü Sərxanov Daşqın Nazim oğlu qohumları ilə söyüş üstündə mübahisə edib.

Nəticədə hər iki qardaş küt alətlə döyülərək ağır xəsarətlər alıb. Onlar xəstəxanaya yerləşdirilib.

Faktla bağlı Binəqədi Rayon Polis İdarəsinin 40-cı Polis bölməsinin əməkdaşları tərəfindən araşdırma aparılır.