Bakı-Sumqayıt yolundakı qəza ilə bağlı başlanan cinayət işinin maddələri məlum olub

Bakı-Sumqayıt yolundakı qəza ilə bağlı başlanan cinayət işinin maddələri məlum olub Araşdırma aparılır
Hadisə
322
9 Mart , 2017 14:35
Bakı-Sumqayıt yolundakı qəza ilə bağlı başlanan cinayət işinin maddələri məlum olub
Courtesy İmage

Bakı. 9 mart. REPORT.AZ/ Bu gün səhər saatlarında Bakı-Sumqayıt şosessinin Masazır qəsəbəsi ərazisinə düşən hissəsində 5 nəfərin ölümü və 20 nəfərin xəsarəti ilə nəticələnmiş qəza ilə bağlı Cinayət Məcəlləsinin 263.3-cü (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanılıb.

Bu barədə "Report"a Daxili İşlər Nazirliyinin (DİN) Baş İstintaq və Təhqiqat İdarəsindən məlumat verilib.

Qeyd edək ki, bu maddənin tələbinə görə yol hərəkəti və nəqliyyat vasitələrinin istismarı qaydalarını pozan şəxs beş ilədək müddətə nəqliyyat vasitələrini idarə etmək hüququndan məhrum edilməklə yanaşı, beş ildən on ilədək müddətə azadlıqdan məhrum etmə ilə cəzalandırılır. Faktla bağlı qəzanı törədən "Ford" markalı mikroavtobusun sürücüsü Namiq Hüseynov və ZİL markalı yük avtomobilinin sürücüsü Elvin Şəmistanlı saxlanılıb.

Xatırladaq ki, hadisə nəticəsində 5 nəfər ölüb, 20-dən çox sərnişin xəsarət alıb.

Son xəbərlər

Orphus sistemi