Bakı şəhər sakininə qarşı 10 min ABŞ dolları və 60 min manatlıq dələduzluq edilib

Bakı. 16 mart. REPORT.AZ/ Bakı şəhər sakininə qarşı 10 min ABŞ dolları və 60 min manatlıq dələduzluq edilib.

"Report"un xəbərinə görə, hadisə Qaradağ rayonunda qeydə alınıb.

Belə ki, Bakı şəhər sakini 1972-ci il təvəllüdlü Şücayət Həbibov Qaradağ Rayon Polis İdarəsinə ərizə yazaraq bildirib ki, 2013-cü ilin may ayında ona qarşı dələduzluq edilib.

Ərizədə qeyd edilib ki, 1983-cü il təvəllüdlü Emin Aslanov Şücayət Həbibovu aldadaraq onun 60 000 manat və 10 000 ABŞ dolları pulunu alıb.

Faktla bağlı Qaradağ RPİ-də araşdırma aparılır.