Yuxarı

Bakı sakininin mobil telefonunu alan keçmiş məhkum saxlanılıb

Bakı sakininin mobil telefonunu alan keçmiş məhkum saxlanılıb

Video əlavə olunub


*** 12:27

Bakı. 14 fevral. REPORT.AZ/ Bakı sakinini bıçaqla qorxudaraq mobil telefonunu alan keçmiş məhkum saxlanılıb.

Bu barədə "Report"a Daxili İşlər Nazirliyindən məlumat verilib.  

Belə ki, Sabunçu rayonu Aydınbəyov küçəsində naməlum şəxs paytaxt sakini Toğrul Qəhrəmanova bıçaqla hədə-qorxu gələrək onun “iPhone 7” markalı mobil telelfonunu əlindən alıb. Zərərçəkən bundan sonra hadisə barədə Sabunçu rayon Polis idarəsinin (RPİ) 12-ci polis şöbəsinə məlumat verib. Şöbə əməkdaşlarının həyata keçirdikləri təxirəsalınmaz əməliyyat tədbiri nəticəsində qeyd edilən cinayəti törətməkdə şübhəli bilinən Bakı şəhər sakini əvvəllər Cinayət Məcəlləsinin 177-ci (oğurluq) maddəsi ilə məhkum olunmuş Röyal Səfərov saxlanılıb. O, ifadəsində törətdiyi cinayəti etiraf edərək, quldurluq yolu ilə əldə etdiyi mobil telefonu satdığını bildirib.

Araşdırma zamanı R.Səfərovun Sabunçu rayonunda daha bir şəxsə qarşı hədə-qorxu gələrək onun da mobil telefonunu əlindən aldığı məlum olub. Saxlanılan şəxs barəsində 12-ci polis şöbəsində toplanan materiallar artıq Sabunçu RPİ-nin İstintaq şöbəsinə göndərilib. Onun barəsində məhkəmənin qərarı ilə həbs qətimkan tədbiri seçilib. Bu şəxsin əməllərindən zərərçəkən başqa vətəndaşlar varsa, bu barədə Daxili işlər Nazirliyinin “102” Zəng Mərkəzinə, Sabunçu RPİ və ya 12-ci polis şöbəsinə müraciət edə bilərlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi