Yuxarı
    Bağlamaq

    Bakı sakinini öldürüb bacısını bıçaqlamaqda təqsirləndirilən şəxsin cinayət işi məhkəməyə göndərilib

    İş hakim Novruz Kərimovun icraatına verilib

    Bakı. 20 dekabr. REPORT.AZ/ Bakı sakinini öldürməkdə, bacısını isə bıçaqlamaqda təqsirləndirilən şəxsin cinayət işinin ibtidai istintaqı başa çatıb.

    "Report"un məlumatına görə, Fidani İsmayılovun cinayət işi üzrə Binəqdi Rayon Prokurorluğunda aparılan istintaq yekunlaşdırılaraq baxılması üçün Bakı Ağır Cinayətlər Məhkəməsinə göndərilib.

    İş hakim Novruz Kərimovun icraatına verilib. İşə yaxın günlərdə baxılacaq.

    Hadisə bu il avqustun 21-də Bakının Binəqədi qəsəbəsində baş verib. Qəsəbədə yaşayan Əfsanə Məmmədovanın evində tanışı - Gədəbəy rayon sakini F.İsmayılov münaqişə zəminində ona və qadının qardaşı Anar Məmmədova bıçaqla xəsarət yetirib. Daha sonra F.İsmayılov hadisə yerini tərk edib.

    A.Məmmədov hadisə yerində ölüb, Ə.Məmmədova isə xəstəxanaya yerləşdirilib.

    Binəqədi Rayon Polis İdarəsinin (RPİ) 4-cü Polis Bölməsinin (PB) əməkdaşlarının həyata keçirdikləri əməliyyat-axtarış tədbirləri nəticəsində F.İsmayılov tutulub.

    F.İsmayılov ilkin ifadəsi zamanı Ə.Məmmədova ilə aralarında mübahisə yarandığını deyib. Onun sözlərinə görə, mübahisəyə səbəb Ə.Məmmədovanın qardaşı A.Məmmədovla onun icazəsi olmadan dənizə getməsi olub. Əfsanənin evinə gələn Fidani qapının bağlı olduğunu görüb əsəbiləşib.

    Qətli törədən F.İsmayılov ailəlidir, himayəsində iki azyaşlı övladı var.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi