Bakı sakinini hədələyərək pulunu alan şəxslər tutulub

Bakı. 18 may. REPORT.AZ/ Bakı sakinini hədələyərək pulunu alan şəxslər tutulub.

"Report" Daxili İşlər Nazirliyinin rəsmi saytına istinadən xəbər verir ki, hadisə Nizami rayonunun Keşlə qəsəbəsində qeydə alınıb.

Məlumata görə, mayın 17-də paytaxtın Nizami rayonunun Keşlə qəsəbəsində şəxsiyyəti məlum olmayan 5 nəfər qəsəbə sakini Vasif Namazovu küt alətlə hədələyib 800 manat pulunu alıb.

Nizami Rayon Polis İdarəsinin 23-cü Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakinləri Şahin Kərimov, Vahid Şirinov və Elvin Abbaszadə tutulub, digər şəxslər isə müəyyən edilib.

Faktla bağlı Nizami Rayon Polis İdarəsində araşdırma aparılır.