Bakı sakini yaşadığı evdə bıçaqlanıb

Bakı. 24 oktyabr. REPORT.AZ/ Bakı sakini yaşadığı evdə bıçaqlanıb.

"Report"un məlumata görə, hadisə Sabunçu rayonu, Bilgəh qəsəbəsi Üzeyr Hacıbəyov küçəsindəki mənzillərdən birində qeydə alınıb.

22 yaşlı Ruslan Mirzəyev yaşadığı evdə 35 yaşlı Xalid Hüseynov tərəfindən bıçaqlanıb.

R.Mirzəyev 3 saylı Şəhər Kliniki Xəstəxanasına yerləşdirilib, vəziyyəti kafidir.

Sabunçu Rayon Polis İdarəsinin (RPİ) əməkdaşları X.Hüseynovu saxlayıb. Hadisənin hansı motivdə baş verdiyi araşdırılır.