Bakı sakini mənzilində halsız vəziyyətdə aşkarlanaraq xilas edilib

Bakı. 4 aprel. REPORT.AZ/ Bakının Nəsimi rayonunda mənzildə bir nəfər bağlı qapı arxasında köməksiz vəziyyətdə qalıb.

"Report"un Fövqəladə Hallar Nazirliyinin rəsmi saytına istinadən verdiyi məlumata görə, dərhal Nazirliyin xilasetmə qüvvələri hadisə yerinə cəlb olunublar.

Xilasedicilər giriş qapısını açaraq mənzilə baxış keçirib, halsız vəziyyətdə aşkarlanan vətəndaşı aidiyyəti üzrə təhvil veriblər.