Yuxarı
    Bağlamaq

    Bakı-Quba yolunda “Toyota” dəmir baryerə çırpılıb, 1 ölü

    Bakı-Quba yolunun 118-ci kilometrliyində ağır yol-nəqliyyat hadisəsi baş verib

    Bakı. 9 avqust. REPORT.AZ/ Bakı-Quba yolunun 118-ci kilometrliyində ağır yol-nəqliyyat hadisəsi baş verib.

    “Report” Fövqəladə Hallar Nazirliyinin (FHN) rəsmi saytına istinadən xəbər verir ki, Şabran rayonunun Taxtakörpü qəsəbəsində 1992-ci il təvəllüdlü İlkin Elçin oğlu Muradova məxsus “Toyota” markalı minik avtomobili yol kənarındakı dəmir baryerə çırpılıb.

    FHN-nin müvafiq xilasetmə qüvvələri hadisə yerinə cəlb olunublar. Məlum olub ki, avtomobilin sürücüsü Muradov vəfat edib və deformasiyaya uğramış avtomobildə sıxılmış vəziyyətdə qalıb.

    Yanğınsöndürən-xilasedicilər sıxılmış vəziyyətdə qalan meyiti avtomobildən çıxarıb aidiyyəti üzrə təhvil veriblər. Əməliyyat saat 22:54-də başa çatıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi