Bakı polisi velosipedçilərə qarşı reyd keçirib

Bakı polisi velosipedçilərə qarşı reyd keçirib Səbail Rayon Polis İdarəsinin əməkdaşları Dənizkənarı Milli Parkda velosipedçilərin hərəkətinin tənzimlənməsi məqsədilə reyd keçirib.
Hadisə
5339
19 Avqust , 2020 22:50
Bakı polisi velosipedçilərə qarşı reyd keçirib

Video əlavə olunub.

19:47

Səbail Rayon Polis İdarəsinin əməkdaşları Dənizkənarı Milli Parkda velosipedçilərin hərəkətinin tənzimlənməsi məqsədilə reyd keçirib.

"Report"un məlumatına görə, ərazidə velosipedlərin hərəkət etməsi üçün müvafiq yerlərin olmasına baxmayaraq, qaydalara əməl etməyən şəxslərlə profilaktik söhbətlər aparılmaqla tövsiyələr verilib. Diqqətə çatdırılıb ki, əhalinin istirahət etdiyi Dənizkənarı Milli Park ərazisində velosipedlərin hərəkətini tənzimləməyən işarələr vurulub və hər bir velosiped istifadəçisi müvafiq qaydalara əməl etməlidir. Yalnız icazə verilən yerlərdə velosipedlərin hərəkətinə heç bir məhdudiyyət tətbiq olunmur. Bununla bağlı Dənizkənarı Milli Parkın mərkəzi əraziləri istisna olmaqla, digər yerlərdə - “Yeni Bulvar” və “Bayıl bulvar”da müvafiq yerlərdə xüsusi zolaqlar ayrılıb ki, orada velosipedlərin hərəkətinə icazə verilir. 

Velosiped istifadəçilərinə tövsiyə edilir ki, ərazidə mövcud qaydalara əməl etməklə digər şəxslərin hüquqlarına hörmətlə yanaşsınlar.

Reydlərdə qaydalara əməl etməyən şəxslər barəsində qanunvericiliyə uyğun olaraq tədbirlər görülüb, onların barəsində müvafiq protokollar tərtib olunub.

Dənizkənarı Milli Parkda nəzarət-profilaktik tədbirlər davam etdirilir.

Son xəbərlər

Orphus sistemi