Bakı polisi əməliyyat keçirib, saxlanılanlar var

Bakıda keçmiş məhkumlarda külli miqdarda narkotik vasitə aşkarlanıb.

“Report”un xəbərinə görə, hadisə paytaxtın Nəsimi və Nərimanov rayonları ərazisində qeydə alınıb.

Belə ki, Nəsimi Rayon Polis İdarəsinin (RPİ) 21-ci Polis Bölməsi (PB) əməkdaşlarının keçirdikləri əməliyyat-axtarış tədbirləri nəticəsində Gəncə şəhər sakini, 1992-ci il təvəllüdlü, əvvəllər məhkum olunmuş Elşən Nuriyevdən 476 qram heroin, Nərimanov RPİ-nin 17-ci Polis Şöbəsi (PŞ) əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini, 1980-ci il təvəllüdlü, əvvəllər məhkum olunmuş Mehman Babyevdən 271 qram heroin, 1979-cu il təvəllüdlü, əvvəllər məhkum olunmuş Natiq Xəlilovdan isə 326 qram heroin aşkar olunaraq götürülüb.

Hər iki faktla bağlı araşdırma aparılır.