Beynəlxalq Avtovağzal kompleksinin ərazisində yerləşən mağazaların birində vətəndaşdan oğurluq edilib.
Daxili İşlər Nazirliyinin (DİN) Mətbuat Xidmətindən “Report”a verilən məlumata görə, Bakı Şəhər Baş Polis İdarəsinin Cinayət Axtarışı İdarəsinin əməkdaşları əməliyyat keçiriblər.
Əməliyyat-axtarış tədbirləri nəticəsində fevralın 15-də Beynəlxalq Avtovağzal kompleksinin ərazisində yerləşən mağazaların birində D.Həyatovun içərisində 1 500 manat və sənədlər olan pulqabısını oğurlamaqda şübhəli bilinən Masallı rayon sakini, əvvəllər məhkum olunmuş N.Fərzəliyev saxlanılıb.